Spika wa Bunge Dkt. Tulia Ackson amempongeza Rais Samia Suluhu Hassan kwa uzinduzi wa filamu ya Royal Tour uliofanyika jana usiku Marekani.
Filamu hiyo imezinduliwa jana jijini New York.
Royal Tour ni filamu inayoakisi sekta ya utalii nchini, na kuonesha vivutio mbalimbali vilivyopo nchini kwa lengo la kuitangaza.
Spika Dkt. Tulia ameyasema hayo leo Aprili 19, 2022 Bungeni Jijini Dodoma wakati wa mkutano wa saba wa Bunge la bajeti unaoendelea.
“Sisi kama Bunge, tunampongeza Mheshimiwa Rais kwa hatua anazozichukua kwenye hili eneo la kuongeza watalii. Kwakuwa Bajeti ya Wizara ya Maliasili na Utalii itakuja hapa Bungeni baadae basi ni muhimu kila Mbunge kufuatilia mambo yanayoendelea huko ili kama kutakuwa na lolote la kuishauri Serikali itakuwa rahisi zaidi baada ya kujua hatua mbalimbali ambazo zitakuwa zimeshachukuliwa na zile ambazo tutakuwa tunatamani ziongezeke” amesisitiza Spika. Dkt. Tulia
The post Tulia apongeza uzinduzi ‘Royal Tour’ first appeared on KITENGE BLOG.
The post Tulia apongeza uzinduzi ‘Royal Tour’ appeared first on KITENGE BLOG.
By Author
Post a Comment