Shirikisho la soka nchini ( TFF) limewapongeza wawakilishi waTanzania kwenye Ligi ya Mabingwa Afrika kwa wanawake, Simba Queens kwa kufika hatua ya Nusu Fainali ya Ligi ya Mabingwa barani Afrika kwa upande wa wanawake nchini Morocco.
Timu hiyo imeweka rekodi ya kutinga hatua ya nusu fainali baada ya ushindi wa mabao 2-0 dhidi ya Green Buffaloes ya Malawi.
Mabao ya Asha Djafar na Opa Clement yalitosha kuivusha timu hiyo hatua inayofuata baada ya kumaliza ya pili kwenye kundi A na pointi sita nyuma ya wenyeji AS FAR yenye tisa.
Simba ilianza michuano hii kwa kufungwa mabao 2-1 na AS FAR kisha kushinda michezo yote miwili iliyofuata ambapo iliifunga Determine Girls 2-0 na kuhitimisha kwa kuinyuka Green Buffaloes 2-0.
Uongozi wa klabu ya Simba pia imewapongeza Simba Queens kwa hatua hiyo kubwa katika historia ya soka la wanawake nchini Tanzania na ukanda wa Afrika ya Mashariki kwa ujumla.
Kwa hatua hiyo , Simba Queens wamejihakikishia mkwanja wa milioni 466 kutoka Shirikisho la soka barani Afrika (CAF).
The post TFF yaipongeza Simba Queens kufuzu Nusu Fainali ligi ya Mabingwa appeared first on KITENGE BLOG.
By Author
Post a Comment