Na Mwandishi Maalumu-Lagos,Nigeria
UBALOZI wa Tanzania, nchini Nigeria umeendelea na mkakati wa kuitangaza Tanzania kupitia filamu ya 'Tanzania The Royal Tour'.
Hatua hiyo inakuja ikiwa ni mkakati wa Serikali ya Awamu ya Sita inayoongozwa na Rais Samia Suluhu Hassan ya kutangaza Tanzania kupitia sekta ya utalii nchin.
Hayo yamethibitika Oktoba 3, mwaka huu, baada ya Ubalozi wa Tanzania nchini Nigeria, ulipoandaa onesho maalimu ya filamu hiyo kwa wadau wa utalii wa nchi za Uwakilishi za kituo hicho.
Maonesho hayo yalifanyika sambamba na maonesho ya Utalii ya 18 ya Akwaba, jijini Lagos, Nigeria, ambapo zaidi ya washiriki 500 walishiriki maonesho hayo, na makampuni 30 yalikuwa yakionesha bidhaa zake za utalii vikiwemo vivutio vya utalii wa matibabu.
Aidha, Makampuni matano ya Utalii kutoka Tanzania yalishiriki na kupata fursa ya kukutana na wadau wa utalii wa soko la Afrika Magharibi.
By Mpekuzi
Post a Comment