Na Mwandishi Wetu, Zanzibar
Simba SC wamepoteza mchezo wao wa kwanza wa mashindano ya Kombe la Mapinduzi 2023 baada ya kufungwa bao 1-0 na Mlandege FC katika mchezo wa Kundi C uliopigwa kwenye uwanja wa Amaan visiwani Zanzibar majira ya Saa 2:15 Usiku.
Mlandege FC wamejihakikishia nafasi ya kusonga kwenye mashindano hayo kwenye hatua ya Nusu Fainali kwa bao pekee la Mlinzi wa timu hiyo, Abubakari Mwadini katika dakika ya 75 ya mchezo.
Mchezo wa mwisho, Simba SC watacheza dhidi ya KVZ ambao walipata sare ya bao 1-1 dhidi ya vinara wa Kundi hilo, Mlandege kwenye mchezo wa kwanza. Endapo Simba SC itapata ushindi dhidi ya KVZ haitapata nafasi ya kusonga mbele kwa kuwa tayari Mlandege ana alama nne.
KVZ watakiwa kupata ushindi mnono ili kujihakikishia nafasi ya kusonga mbele, katika mashindano hayo kila Kundi lina timu tatu, hivyo inatakiwa timu moja pekee kufuzu hatua ya Nusu Fainali.
By Mpekuzi
Post a Comment