Promota wa muziki nchini Uganda ameshitakiwa kwa makosa 9 likiwemo la uzembe uliosababisha vifo vya watu 10 wakati wa tamasha lililofanyika Kampala kuadhimisha mwaka mpya.
Abey Musinguzi amefikishwa mbele ya hakimu na kukanusha madai hayo.
Kwa sasa yupo rumande kusikiliza hatima ya kesi inayomkabili.
Anatuhumiwa kufunga milango ya ukumbi wa Freedom City na kuacha mmoja tu ambao watu zaidi ya 20,000 wameugombania kutoka na kusababisha vifo hivyo.
Hata hivyo, mwanasheria wa promota huyo mwenye miaka 52 amesema mteja wake anasakamwa kwa sababu ya kuunga mkono upinzani unaoongozwa na Bob Wine.
Katika hatua nyingine, polisi wamewaita wamiliki wa ukumbi huo kutoa maelekezo kutokana na tukio hilo.
The post Promota wa muziki matatani kwa vifo vya watu uwanjani appeared first on KITENGE BLOG.
By Author
Post a Comment