Wimbo Mpya : NTEMI O MABALA 'NG'WANA KANG'WA' - ACHA TUDANGE |Shamteeblog.

Mkurugenzi  Mtendaji wa Shirika la Taifa la Bima (NIC) Dk.Elirehema Doriye akizungumza na watumishi wa NIC  (hawapo pichani) katika mkutano  wa kujadili  mafanikio waliyopata na dhamira yake kujipanga kwa mwaka mpya wa 2022 kupata mafanikio makubwa uliofanyika Makao Makuu ya NIC jijini Dar es Salaa.

*Doriye asisitiza kwenda kutoa huduma za bima kwa viwango vya kimataifa.

Na Chalila Kibuda, Michuzi TV  

MKURUGENZI Mtendaji wa Shirika la Taifa la Bima (NIC) Dk.Elirehema Doriye amesema kuwa Shirika limekuwa imara  kwa miaka mitatu iliyopita  hivyo mwaka 2021  unaisha ni kazi kwa  watumishi kuachana na  mafanikio hayo na kujenga msingi mwingine wa mafanikio makubwa sana kwa mwaka 2022.

"Sisi ndiyo Bima hivyo katika soko hakuna wa kushindana nao ndio maana tumebadili mtazamo wa kufanya mteja kuwa kipaumbele kwa kuangaliwa kiti chake hata kama hayupo katika  kiti hicho" amesema Doriye 

Amesema   watumishi wa Shirika la Bima la Taifa (NIC )  wametakiwa kujiandaa kwenda na mabadiliko yatayojitokeza katika soko kwa mwaka mpya wa 2022 ili kuweza kuinua na kuendelea kuwa juu katika kutoa huduma kwa watanzania wenye shirika lao.

Dk.Doriye aliyasema hayo  wakati alipokutana na Watumishi wa NIC kuajili ya kufunga mwaka 2021 na kwenda na mwaka 2022 kwa kuingia kwenye soko kwa kishindo kutokana bidhaa zilizopo kwenye shirika hilo.

Amesema mwaka mpya wa 2022 watumishi wa NIC watangulize ubunifu na uadilifu  wa hali ya juu kwa kutoa huduma zenye viwango  vya kimataifa.

" Kuanzia mwaka 2002 NIC imekuwa ikikuwa katika utoaji huduma zake mpaka hivi leo lakini mwaka ujao unapaswa kuwa bora zaidi kushinda miaka yote iliyopita kwa kuongeza ufanisi katika kazi ikiwa ni pamoja na juhudi binafsi za kila mmoja na  timu kazi" Amesema Dk.Doriye.

Amesema kumaliza mwaka ni  kumshukuru Mungu kwa kuwa pamoja wakiwa  salama na wamoja katika utendaji kazi ambao umekuwa chachu katika ujenzi wa taifa.

Mkurugenzi Mtendaji huyo amesema katika ushindani wa soko ni kuongeza  mikakati ya kuwafikia wateja kila kona ya  nchi na wanaosajiliwa waone walikuwa wapi kusajiliwa na NIC.

Mkurugenzi  wa Masoko na Huduma kwa Mteja wa Shirika la Taifa la Bima (NIC) Yessaya Mwakifulefule akizungumza na kuhusiana na mikakati wanayokwenda nayo katika soko kwa mwaka 2022 ,jijini Dar es Salaam.

Mkurugenzi Mtendaji wa Shirika la Taifa la Bima (NIC) Dk.Elirehema Doriye akiwapakulia chakula watumishi  kuonyesha upendo kwao na kuwajali.

Baadhi watumishi wa NIC wakiwa makini kumsikiliza Mkurugenzi Mtendaji wa NIC Dk.Elirehema Doriye (hayuko pichani) wakati wa Mkutano wa Kuaga mwaka 2021 kwenda mwaka 2022.

By Mpekuzi