Na Mwandishi Wetu, Michuzi TV
Wawakilishi kutoka Tanzania Bara katika Mashindano ya Kombe la Mapinduzi mwaka 2023, Singida Big Stars wameanza vyema mashindano hayo baada ya kuibuka na ushindi wa mabao 2-0 dhidi ya Kikosi Maalum cha Kuzuia Magendo visiwani Zanzibar, KMKM kwenye mchezo uliopigwa katika dimba la Amaan visiwani humo.
Kwenye mchezo huo wa Kundi B la mashindano hayo, Singida BS walicheza vizuri wakiwa na uzoefu wao wa kucheza Ligi Kuu Soka Tanzania Bara. Kiungo Mkabaji wa timu hiyo, Mbrazil Bruno Gomes alianza kuandika kalamu ya mabao kwa ‘shuti’ kali lililomshinda Golikipa wa KMKM na kujaa wavuni, kwenye dakika ya 19’.
Dakika ya 33’ Singida Big Stars waliandika bao la pili katika mchezo huo baada ya kupigwa ‘shuti’ kali la Kiungo wa timu hiyo, Yusuph Kagoma na kujaa wavuni hivyo kuongoza Kundi hilo B lenye timu tatu za Singida Big Stars, KMKM na Yanga SC.
Singida Big Stars watacheza mchezo wao wa mwisho dhidi ya Yanga SC, Januari 6, 2023 ili kukamilisha ratiba ya Kundi B huku ikitakiwa timu moja pekee kufuzu hatua inayofuata kwenye mashindano hayo ya Kombe la Mapinduzi.
By Mpekuzi
Post a Comment