Benki ya Absa imeahidi kuendelea kutoa mchango wake kwa mashindano ya mbio za Kilimanjaro Premium Lager Marathon kupitia udhamini wake.
Akizungumza wakati wa maadhimisho ya 20 ya mbio za Kilimanjaro Premium Lager Marathon mjini Moshi, Mkuu wa Masoko na Uhusiano wa Kampuni ya Absa, Aron Luhanga alisema tukio hilo ni jukwaa zuri kwa wafanyakazi wa Benki hiyo pia kushiriki michezo.
Pia itakuwa fursa kwa watu kujua shughuli zinazofanywa na benki hiyo.
“Lengo letu ni kuhakikisha wafanyakazi wetu wanaimarisha afya zao na ndiyo maana huwa tunawahimiza wawe wanashiriki matukio kama haya mara kwa mara”, alisema.
Amesema benki yake imekuwa ikiwafadhili wafanyikazi wake kushiriki matukio ya aina hiyo na kuhakikisha wanajiandaa vyema kabla ya ushiriki huo.
Kuhusu mbio za Kilimanjaro marathon ambayo hufanyika mjini Moshi kila mwaka na kushirikisha zaidi ya wanamichezo 12,000, Luhanga alisema wanajivunia kuwa sehemu ya mashindano hayo muhimu kupitia ufadhili wake.
Absa ni mmoja wa wadhamini waliopongezwa na mgeni rasmi katika mbio hizo mwaka huu, Waziri Mkuu Kassim Majaliwa Majaliwa, ambapo aliisifu benki hiyo kwa mchango wake mkubwa kama moja ya wadhamini wa mashindano hayo.
Mbali na udhamini wake, banda la benki ya Absa lililokuwa kwenye maonyesho yaliyofanyika katika uwanja wa Chuo Kikuu cha Ushirika Moshi na kushirikisha wadhamini wengine, lilikuwa kivutio kwa washiriki na wageni wengine mbalimbali wa mbio hizo.
Aidha wafanyakazi wa taasisi hiyo walioshiriki mbio hizo walionekana wenye furaha tele huku wakipiga picha na kufurahia nyakati hizo nzuri pamoja.
Kwa mujibu wa Luhanga, mbali na ushiriki huo, benki ya Absa pia ilikuwa mdhamini wa meza za maji kwa ajili ya washiriki wa mbio hizo zilizokuwa zimewekwa maeneo mbalimbali ya njia zilizotumiwa na washiriki wa mbio hizo.
Mbali na Absa Bank, wadhamini wengine wa mbio hizo ni pamoja na Kilimanjaro Premium Lager- Mdhamini Mkuu, Tigo- 21km, Grand Malt -5km. Wadhamini wa meza ya maji- Absa Tanzania, Unilever Tanzania, TPC Sugar, Simba Cement, Kilimanjaro Water na wasambazaji rasmi, GardaWorld Security, Keys Hotel, Kibo Palace Hotel, Surveyed Plots Company Ltd, Bodi ya Utalii Tanzania na CMC Automobiles.
Mbio za Kilimanjaro Premium Lager Marathon zimeandaliwa na Kilimanjaro Marathon Company Limited na kuratibiwa hapa nchini na kampuni ya Executive Solutions Limited
The post Absa yaahidi ‘sapoti’ zaidi Kili Marathon appeared first on KITENGE BLOG.
By Author
Post a Comment